5 ліпеня (нядзеля) у Вязынцы адбудзецца паэтычная імпрэза,  прысьвечаная Купаллю і Дню нараджэння Янкі Купалы.

Удзел возьмуць: Леанід Дранько-Майсюк, Валерыя Кустава, Анатоль Бутэвіч, Віктар Шніп, Мікола Мятліцкі, Рагнед Малахоўскі, а таксама іншыя літаратары і музыкі.

Пачатак імпрэзы а 12.30

Выпадкова знайшла ў старым сшытку верш, на які была абсалютова-прыабсалютова забылася... Як там кажуць: атаесамленне аўтара зь лірычным героем - паказьнік нізкага культурнага ўзроўню! ;) А цяпер прашу да вашай увагі...

НеспаДЗЕЎКА

(лірычны маналог лірычнай гераіні :)

Я ў цябе - юбілейная,
ты ў мяне - першы.
Прамалінейная
праўда ў вершы.

...І была наша ноч -
шалёная гонка!
І быў наш дзень -
пяшчотна-прарочы!

А пад раніцу нашу
твая жонка
прыйшла паглядзець
у мае вочы.

А вочы ў мяне зялёныя.
І ў жонкі тваёй - таксама.
Ды я была больш шалёнаю -
і таму гучна крыкнула: "Ма-ма!.."

Ды мама мая была дома
(дзе і я мусіла быць, як па яе гусьце) -
і пякла бульбяныя аладкі.
А жонка твая чамусьці
паслала мяне да чужой -
зусім не маёй! - маткі.

...І была нечаканка,
і тузін неспадзевак,
бо, аказалася, што я - каханка,
а ты - ласы да чужых дзевак.

9 жніўня 2007

Бадай, усе жадаючыя ўжо выклалі свае крылы, хвасты, і, перадусім, ногі, прысутныя на прэзэнтацыя КС... Далучуся мінімумам :)

Слэміла тэкст Віктара Шалкевіча "Жлобская нацыя". Спазьнілася, не пасьпела аддыхацца, як трэ было на сцэну... Эх, да пераможных кактэляў ня стала якіх пару балаў :)

( +2: ДЗЕЎКІ + УДЗЕЛЬНІК + ... )

16 чэрвеня 2009 а 16.00 у Доме Дружбы  (вул. Захарава, 28, ст.м. Пл.Перамогі).
Беларуска-чэская літаратурна-музычная вечарына

Беларускае таварыства дружбы і культурнай сувязі з замежнымі краінамі, Таварыства “БЕЛАРУСЬ-ЧЭХІЯ” запрашаюць Вас на беларуска-чэскую літаратурна-музычную вечарыну “Голас маленства — голас будучыні”. Уваход вольны. R . S . V . P .: +375-17-284-86-05, +375-29-702-18-42 (МТС)

У праграме імпрэзы:
Першы Сакратар Пасольства Чэскай Рэспублікі ў РБ Ян Едлічка
Паэт Валерыя Кустава
Хор з Чэхіі “Ізерка ” (узрост удзельн ікаў ад 10 да 30 гадоў)
Выстава графікі Аліны Стэльшонак “Казкі лесу”


17 чэрвеня 2009 а 18.00 у кавярні "Валерыя" (Валадарскага, 7)
Узнагароды і конкурсы ад суполкі suc_biel_lit

У імпрэзе возьмуць удзел:
Уладзімір Арлоў
Валерыя Кустава
Юрась Барысевіч
Віка Трэнас
Анатоль Івашчанка



Тут падрабязьней + афіша.

Пах французскай парфумы вострай
і пунсовы колер на вуснах,
колькі слоў беларускай мовы –
і ўвагі мужчын дастаткова.
І цяперака думак не болей,
чым у сэрцы нястрымнага болю.
Ты мінаеш, дзяўчо малое...
Божа мой, хараство якое!

ПРЫПЕЎ:
Я складаць табе буду оды,
прыгажосці шукаць акорды,
вабнаты зусім юнай коды,
дзеўчынка з пляцу Свабоды.

У цябе цяпер іншы мачо.
А мяне – ну хіба прыстрэліць!
І твой мачо, бадай, не плача.
І штодня на мабілку тэліць.
Ах, навошта яго ты лашчыш
у шыкоўных пакоях гатэлю?..
Я не веру табе, не веру.
Што кахаеш яго - не веру!..

ПРЫПЕЎ:
Я складаць табе буду оды,
прыгажосці шукаць акорды,
вабнаты зусім юнай коды,
дзеўчынка з пляцу Свабоды.

Можа, буду я плакаць даты,
бо не стане мне болей сэнсу.
Знаю я, хто ў тым вінаваты.
Толькі вусціш прыдбаю ў сэрцы.
Прарычу, нібы звер пад куляй,
што я хутка памру, памру я...
Ды тваю любоў уратую.
Ты ж суворая, не даруеш...

ПРЫПЕЎ:
Я складаць табе буду оды,
прыгажосці шукаць акорды,
вабнаты зусім юнай коды,
дзеўчынка з пляцу Свабоды.

(с) Валярына

Мо заспяваем, га? :))
Сьпяваць можна на такі матыў:
1. Тут вялае караоке (без майго прыпеву):
http://www.karaoke.ru/catalog/song/26341
2. І тут во выкананне арыгіналу (крыху менш вялае):
http://rutube.ru/tracks/856532.html?v=a7a33d3613c9578f51ac0f2f051be3d1
3. Але найлепшае тут :)))
http://video.i.ua/user/512668/9415/41833/

І. АГУЛЬНАЕ:
Абмяркоўваем у журы "Кубак юнацкай паэзіі" у Пінску А.Хадановіч, В.Кустава, А.Разанаў, В.Эрыксан (першы шэраг); Б.Пятровіч, А.Івашчанка з жонкай Тацянай (другі шэраг); С.Эрыксан (астатні шэраг)
"Кубак юнацкай паэзіі". Пінск. А.Вярцінскі, А.Хадановіч, В.Кустава, А.Разанаў, В.Эрыксан (першы шэраг); З.Плакс, Л.Рублеўская, Б.Пятровіч, А.Івашчанка з жонкай Тацянай (другі шэраг); С.Эрыксан (астатні шэраг). Даабмяркоўваліся. Стаміліся. Спадар Стэфан падлічыў, што на той момант за 26 гадзінаў мы ажыццявілі (менавіта тое слоўца!) ажно тры (Менск, Баранавічы, Пінск) вялікія літаратурныя вечарыны і наперадзе нас чакала яшчэ адна! :)
Круглы стол на cцэне Палескага драматычнага тэатру ў Пінску.
В.Кустава, А.Данільчык, А.Хадановіч, Л.Рублеўская, Н.Лабада, П. Фроберг Ідлінг, У.Сціг, М.Ніэмі
Кавярня "Пінская Шляхта" П.Фроберг Ідлінг, M.Шёдэрберг, Д.Плакс, Б.Пятровіч, Л.Рублеўская, В.Кустава
ALL. Над намі жаўранкам зьвінеў і плакаў май... :) 


( НЕСТАНДАРТНЫЯ ПАРТРЭТЫ ЎДЗЕЛЬНІКАЎ )

( Найярчэйшыя ўражанні: +6  )
© Валерыя Кустава (Валярына)

© Валерыя Кустава (Валярына). Вясна - 2009.

...У Бэрліне не пакідала адчуванне, што на браме, як і ў фільме Віма Вэндэрса "Неба над Бэрлінам", бытнуюць анёлы: Даніэль, Касіэль, Рафаэла -  размаўляць, назіраюць за намі... Спінай адчуваеш, што тамака яны, там!.. Але як толькі паварочваешся тварам - знікаюць, раствараюцца...

Фота Сашы Бярозкіна

                         З. П.

Чаго яшчэ болей трэба:
Дзеўка. Паэт. Неба.
Дзеўка-паэт. Неба.
Дзеўка-паэт-неба.
Чаго яшчэ болей трэба?
Дзеўка Неба - паэт.


* * *

Чаго яшчэ болей трэба ДЗЕЎКА паэт неба дзеўка-паэт Неба Дзеўка-паэт-НЕБА    чаго яшчэ болей    ТРЭБА   дзеўка НЕБА  паэт

БАРАНАВІЧЫ: 22 траўня (пятніца) 2009 у Баранавічскай цэнтральнай гарадской бібліятэцы

Літаратурная сустрэча ў Баранавічскай цэнтральнай гарадской бібліятэцы імя В. П. Таўлая (вул. Леніна, 51, 53).

У мерапрыемстве прымуць удзел сучасныя шведскія і беларускія пісьменнікі і паэты Мікаэль Ніэмі, Анатоль Вярцінскі, Петэр Фроберг Ідлінг, Валерыя Кустава, Улінэ Сціг, Алесь Разанаў, Аніка Нурлін, Андрэй Хадановіч, Андрэас Матсан, Людміла Рублеўская, Дзмітры Плакс.

Пачатак а 10.30.
Уваход вольны.
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

ПІНСК: 22-23 траўня ў Пінску адбудзецца конкурс юнацкай паэзіі.

22 ТРАЎНЯ. Пінск, Гарадскі дом культуры (пл. Леніна, 7)

- Кубак юнацкай паэзіі (I тур).
- Урачыстае адкрыццё Дзён шведскай і беларускай паэзіі – 2009.
- Літаратурна-музычная вечарына. Удзельнічаюць:
Каманда ШВЭЦЫІ: Мікаэль Ніэмі, Аніка Нурлін і Андрэас Матсан, Петэр Фроберг Ідлінг, Улінэ Сціг (Швецыя);
Каманда БЕЛАРУСІ: Алесь Разанаў, Анатоль Вярцінскі (Беларусь, Мінск).

Пачатак а 17.30 - Кубак юнацкай паэзіі.
Пачатак а 18.30 - Літаратурная сустрэча.
Уваход вольны.
_ _ _ _ _ _ _ _ _ _ _ _

23 ТРАЎНЯ
- Кубак юнацкай паэзіі (ІІ тур). Пачатак 17.30.
- Літаратурна-музычная вечарына. Удзельнічаюць:
Каманда ШВЭЦЫІ:  Мікаэль Ніэмі, Аніка Нурлін і Андрэас Матсан, Петэр Фроберг Ідлінг, Улінэ Сціг, Дзмітры Плакс;
Каманда БЕЛАРУСІ: Андрэй Хадановіч, Людміла Рублеўская, Зьміцер Плакс, Валерыя Кустава.

Пачатак а 17.30 - Кубак юнацкай паэзіі.
Пачатак а 18.30 - Літаратурная сустрэча.
Уваход вольны.

Падзея ў Кантакце.

21 траўня (чацьвер) у Акадэміі мастацтваў адбудзецца вечарына швэдзкай і беларускай літаратуры.

Зборная Швэцыі: Мікаэль Ніэмі, Пэтэр Фробэрг Ідлінг, Улінэ Сьціг, Аніка Нурлін і Дзьмітры Плакс.

Зборная Беларусі: Алесь Разанаў, Анатоль Вярцінскі, Людміла Рублеўская, Валерыя Кустава і Андрэй Хадановіч.

Пачатак а 18.30.
Уваход вольны.
(Тэатральная заля на другім паверсе.)

Падзея ў Кантакце.
(нехта ўжо клапатліва стварыў падзею)

17 трауня 2009
Львоу
кавярня "Кабiнет"
(вул. Валова, 12)
Пачатак а 13.00.

Выступаю разам з украінскай перакладніцай Альбiнай Пазьдняковай.

Буду радая бачыць усiх, хто знойдзе час ды настрой! :)

В неділю 17 травня о 13.00 поетичний тандем Альбіна Позднякова - Валярина Кустава. Модератор Юрко Кучерявий.

12 траўня (аўторак) - паэтычны выступ: сустракаюся са шкалятамі ў менскай бібліятэцы №7 (Дзянісаўская, 43) а 13.00.

13 траўня (серада) выступаю з Тодарам (Зьмітром Вайцюшкевічам) у актавай залі Гімназіі № 75. Пачатак у 13.30.

Падрабязней пра нашу з Тодарам "рэпетыцыю перспектывы" :)

NEW! Cправаздача: Тодар і Валярына далі першы сумесны канцэрт

14 траўня (чацьвер) у надзвычай мужчынскай кумпаніі літаратараў забягуся ў кавярню "Валерыя". Пачатак а 18.00.

Падрабязьней пра ўганараванне ў "Валерыі" (+плакат)

15 траўня (пятніца) бяру ўдзел у Камандным паэтычным слэме “Украіна — Беларусь”: матч-рэванш (у Кіеве). ДЕ: Оглядовий майданчик над Андріївським узвозом, до якого ведуть металеві сходи (біля "Замку Річарда"). КОЛИ: 15 травня, 20.00

Падрабязьней па-беларуску пра слэм "Украіна-Беларусь"

Падрабязьней па-украінску пра слэм "Украіна-Беларусь"

5 траўня:

- на Міжнародны фэстываль музыкі "Менская вясна -2009" - у прыватнасьці - на канцэрт цудоўнага піяніста Віталя Стахіевіча ў аўторак а 19.00 у Белдзяржфілармоніі (Віталь, файная ідэя хаваць запрашальнік у кветках, вельмі рамантычна :).

Падрабязьней пра "Менскую вясну -2009"

7 траўня:

- на літаратурна-музычную "Сустрэчу без асаблівай нагоды" у чацьвер а 18.00 у Музэі Янкі Купалы з Алесем Камоцкім і Людмілай Хейдаравай-Паўлікавай пры падтрымцы Вольгі Акуліч ды Іны Перасецкай з флангу музыкі і Валярыны з флангу паэзіі.

Падрабязьней пра літаратурна-музычную "Сустрэчу без асаблівай нагоды"

- на «Rainbow House» у клюб «6_А» у чацьвер а 20.00, дзе пачытаю свае вершы за памяць Рэмбо ды Вэрлена, за Както ды Марэ, за Дзягілева ды Ніжынскага, за Уайлда ды іншых людзей месяцова сьвятла.

Падрабязьней пра выступ «Rainbow House» (+ сьпіс удзельнікаў)

Калі ў каго ёсьць жаданне - далучайцеся!

( Бітва паэтаў: суб'ектыўная справаздача. )
P.S. Хто мае фотаздымкі са слэму ў "Яблыку" - прашу ў камэнты ды мне на скрыню! Буду ўздзячная.

30 красавіка – слэм “Бітва паэтаў”

Запрашаем дасылаць заяўкі і паэтычныя рэзюмэ на слэм “Бітва паэтаў” на электронны адрас ga.poetryslam@gmail.com ці прыносіць у рэдакцыю газеты БДУ «Універсітэт» (Бабруйская, 7, пакой 411) ці ў Прадусарскі клуб Інстытута сучасных ведаў «M&A Project group» (Філімонава 69, кафедра культуралогіі, п.428) да 15 красавіка.

Усіх астатніх – ласкава запрашаем на фінал, які адбудзецца 30 красавіка а 18:00 у кавярні “Яблык” (вул. Карастаянавай, 32).

11 красавіка 2009 а 14:00 на сядзібе ТБМ (вул.Румянцава,13) адбудзецца падвядзенне вынікаў Другой Агульнанацыянальнай дыктоўкі, якая праводзілася 21 сакавіка, і ўганараванне пераможцаў тытулам адукаванага беларуса і іншымі не менш вартымі прызамі. У праграме таксама сюрпрызы і прыемная кумпанія!

Уваход пакуль вольны

Падзея ў Кантакце.

P.S. Мо таксама вершы тамака пачытаю :)

P.S. Па сакрэце - сярод прызоў будуць і мае кнігі з індывідуальнымі аўтографамі :)

Мяркую, усё прайшло сымпатычна!.. Усім дзякуй, усе малачугі!
Калі ў каго ёсьць якія ўражанні, фоты, справаздачы, відэа - скідвайце лінкі ды спасылкі ў камэнты.

Купаласлэм ад "Новага часу" (+фота)
Рэпартаж ад "Будзьма!" (+фота)
Рэпартаж ад Polskieradio (+фота)
Рэпартаж ад Еўрарадыё (+фота)
Рэпартаж зь "Белсату"

http://nikita-syskov.livejournal.com/381691.html?style=mine
http://lionellia.livejournal.com/199884.html?style=mine
http://rubleuskaja.livejournal.com/18804.html?mode=reply&style=mine (+фота)
http://die-zwillinge.livejournal.com/68746.html
http://basarymkales.livejournal.com/14314.html (+фота)
http://avant-enfant.livejournal.com/56185.html

СЛЭМ - 5 красавіка 2009
Увага, памянялася дата Купалаўскага Слэму.

5 красавіка (нядзеля)
у Дзяржаўным літаратурным музэі Янкі Купалы,
вул. Я.Купалы, 4 (парк Купалы),
адбудзецца фінал Першага Купалаўскага Слэму.

У паэтычным рубілаве ўдзельнічаюць дваццаць слэмэраў:

( Спіс выступоўцаў )

Вядзе Андрэй Хадановіч.

Пачатак а 15.00.

Падзея У Катакце.

На ўваходзе ў вас адбяруць па 5 тыс. беларускіх рублёў. Усе адабраныя грошы дастануцца пераможцу.

...Сяджу я на сваім працоўным мейсцы за сваім глябальным сталом (калі хто яшчэ ня бачыў, ён у мяне памерам з ложак). Пішу сабе спакойненька прадмову да кнігі вершаў і перакладаў горача любімага Уладзіміра Жылкі, якую думала-думала і вырашыла назваць "Матылі", час ад часу, натуральна, зьвяртаючыся да вечнага арыгіналу...


...Рэдагую новую кнігу Веры Бурлак, якую мне апантана ўсім сваім выглядам і падачай адрэкамэндаваў Косьцік Жыбуль. Дарэчы, усе ўгадалі, якія слоўнікі ляжаць на маім стале, апроч рукапісаў Веры і "выбранага" Жылкі? Татата, гэта Ян Станкевіч і Вацлаў Ластоўскі, у гонар апошняга мы і назвалі нашага з Пацюпам Воўку (Войцэх-Вацлаў):


...І тут ўрываецца стыхійны Алесь Камоцкі і налятае на мяне зь інтымным позіркам :)
І мы зь ім слухаем цішыню:


Такі вось працоўны дзень... :))

Аўтар фота - Паліна Грынчанка

У гэтым годзе гэта: Някляеў, Аксак, Рыжкоў і Сыс (усіх віншую яшчэ раз!).
Пра іх ужо напісалі і нафоткалі Сева, Толя, Сяржук, Ася і нашыя разнастайныя СМІ. Уручэнне літаратурнай прэміі "Дзеяслова" "Залаты апостраф-2008" наўздагон "Залатому апострафу-2007" прайшло камэрна і сымпатычна. У сваю чаргу хачу адзначыць - і смачна:( Тры асабістыя ФОТАмоманты )

А вось ніхто ня мае, а я выкладу ўрачыстаю прамову пераможцы ў намінацыі проза, якую наздымала, як умела.
Паэт Уладзімір Някляеў чытае і сьпявае свой верш "Сьцяг" (унікальнае відэа! :):
© Валерыя Кустава (Валярына).

Слаўны вечар быў, асабліва яго сьцяг працяг... :)

      Для тых, па кім так грукнуў крызіс, што й на часопісы не стае, - на сайце "Дзеяслова" з'явіўся тэкст №36, у тым ліку - майго эсэ "У абліччы адчаю. Штрыхі да партрэту паэта Анатоля Сыса".

     Цікава, што P.S. да гэтага эсэ быў напісаны роўна два гады таму ;)

     Са Сьвятам!..

Ці святкуеце вы Сусветны дзень паэзіі?

1. У мяне гэтая дата нідзе чырвоным колерам не адзначаная. Загадзя да яе не рыхтуюся. Аліўе не крышу, дранікі не смажу, адмысловых вершаў пад замову пра паэта ды паэзію не пішу. Я ўвогуле асабліва не прывязаная да лічбаў, за нейкім ужо надзвычайным выняткам хіба што. Зычайна ранішнія віншавальныя эсэмэскі ад сяброў мне падказваюць, якое сёння будзе свята.

Але файна, што такое свята ёсць. Такім чынам адзначаецца, што паэт – ён не на абы-якім месцы ў нашым свеце, калі мае, так бы мовіць, прафесійнае свята, і тым самым уздымаецца да ўзроўню шахцёра ці нават медработніка. Хаця, з іншага боку, свята гэта і не толькі па спецыяльнасці (для паэтаў) – а агульнае, свята паэзіі. Калі манцёры ды сантэхнікі могуць паэтычна і дружна набыць сваім дзяўчынам кветкі/пярсцёнкі/кадылакі ці замовіць серэнаду – і ў гэтым будзе таксама паэзія, а бодзібілдзіры могуць пайсці на сустрэчу з узнёслымі паэткамі ў лётных спаднічках і чэшках – і ўзбагаціць свой унутраны свет.

Сусветны дзень паэзіі — нагода сустрэцца ў мілай кампаніі і пагутарыць, павесяліцца. Альбо пасядзець на самоце. Як каму больш адпачывальна ды натхніцельна :) Так заўжды атрымлівалася, што я пра тое свята даведвалася ў дзень яго адзначэння. Калі ў школе навучалася, бегала адзначацца ў Доме літаратара, там звычайна ў гэты дзень падводзіліся вынікі штогадовых конкурсаў маладых літаратараў (памятаю, на адным з такіх выйграла мяккага цацачнага слана, якога так і назвала – Лаўрэат) і адбываліся торцікавыя банкеты. Нішто сабе час быў.

Ці будзеце адзначаць яго сёлета?

2. Сусветны дзень пісьменніка мне ў гэтым годзе пашчасціла адзначыць паэтычным выступам у бэрлінскім Доме авангарднага мастацтва “Тахелес”, падарункам мне была поўная аўдыторыя, частку з якой складалі нямецкамоўныя аматары беларускай паэзіі, а частку – беларусы, што ўжо доўгі час жывуць у Нямеччыне. Мы доўга размаўлялі, потым пайшлі з маімі харошымі сябрамі адзначаць падзею ў адну сімпатычную кавярню, дзе граў жывую музыку квартэт, стаялі каралеўскія фатэлі... і мы пілі “Chardonnais” з левага схілу і “Campari” з сокам. І атрымала я ў падарунак шыкоўны букет бэзава-ружовых дзівосных кветак... Зрэшты, гэта ўжо лірыка... Такім чынам, літаратурныя святы ў мяне ў гэтым годзе задаліся.

Заўтра (то бок практычна ўжо сёння) пачну адзначаць Сусветны дзень паэзіі абсалютна беларускім чынам – удзень буду зачытваць ІІ Агульнанацыянальную дыктоўку “Родная мова” паводле У.Караткевіча на сядзібе ТБМ для мілай майму сэрцу гасподы, сярод сяброў і знаёмцаў. Пасля дзень мае некалькі варыянтаў працягу: Далей... (вершы+фота, як сьвяткуюць іншыя :) Таму - як выпадзе. Шчыра кажучы, у мяне з галавы абсалютова вылецела, што заўтра (ужо сёння) Сусветны дзень паэзіі, бо ў мяне праз дзень – дзень паэзіі. Але планы штосьці адзначыць былі. Слаўна, што ўсё так супала. Дзякуй Парыжу і парыжанам, якія распачалі традыцыю святкавання нашага дня... Я заўжды ў іх верыла. Магчыма, наступны дзень паэзіі я сустрэну на радзіме падзеі. Усім — святла! Са святам, дарагія суайчыннікі! ;)

Пайшла адзначаць... ;)

Звышаператыўныя фотасправаздачы зь сённяшняй дытоўкі (усім удзельнікам і асьветарам дзякуй!):

http://by.milinkevich.org/news/data/ic_77/4613/

http://www.svaboda.org/content/Article/1514418.html (+ відэа працэсу! :)

http://serabranka.livejournal.com/11414.html#cutid1

http://vkontakte.ru/photos.php?act=album&id=86733934

21 сакавіка 2009 г. а 14.00 на сядзібе ТБМ (г. Менск, вул. Румянцава, 13, ст.м. Плошча Перамогі) адбудзецца чарговы этап ІІ Агульнанацыянальнай дыктоўкі. Прысутным будзе прапанаваны для напісаньня дыктоўка "Родная мова" паводле Уладзімера Караткевіча.

Пра гісторыю акцыі апавядзе Уладзімер Падгол,
усім жыхарам Сухарава будзе падказваць Алесь Лагвінец,
уласна сам тэкст дыктоўкі будзе зачытваць Валярына.

Сардэчна запрашаем пазмагацца за прызы, тытул адукаванага беларуса і проста правесьці колькі часу ў прыемнай кумпаніі!

Уваход пакуль вольны :)

Для тых, хто прагне разабрацца ці патлумачыць, што да чаго, падзея ЎКантакце.

P.S. ад сябе: Сухарава, ауу! Мы чакаем цябе ;)

Увага! ЖЖ-пісьменніцкі флэшмоб :)
На плячох якога знанага ЖЖ-юзэра я падпісваю сваю кнігу і ў якой краіне гэта адбываецца? :)

( Фотаздымак у студыю!.. )

Хто адгадае - атрымае фотаадгадку з выкрыццём твараў.

Пакуль што камэнты срыняцца.

Адказаў - 15, слушных угадак - 0, ведалі і адзначыліся - 1 :)

4 cакавіка а 21.00 Валярына (Валерыя Кустава) наведае Дрэздан з паэтычным выступам у Alte Feuerwache Loschwitz. Імпрэза пройдзе на беларускай і нямецкай мовах.

А потым - канцэрт Тані Беланогай.

Dichterische Veranstaltung „Phänomene“ (Dresden)

Am 4. März um 21.00, im Alte Feuerwache Loschwitz. Dresden http://www.feuerwache-loschwitz.de/impressum.html
e. Kunst- und Kulturverein
Fidelio-F.-Finke-Straße 4
01326 Dresden
Germany

Im Programm: extreme Aufführung von eigenen, geheim-erotischen und erzählerisch-gebetsvollen Gedichten; Diskussion mit den Zuschauern u.v. Auf Deutsch und Belarussisch.

Крыніцы інфармацыі:

http://veranstaltungen.meinestadt.de/dresden/event-detail/24405325

http://sachsen.kijiji.de/c-Veranstaltungskalender-Klassik-Kultur-Lesung-und-Konzert-Valeryja-Kustava-und-Tatjana-Bielanohaja-W0QQAdIdZ106224181

3 сакавіка (аўторак) 2009 у Бэрліне ў доме мастацтваў "Тахелес" ("White room") выступіць Валярына (Валерыя Кустава) з паэтычным спэктаклем "Прыручыць сьвятло". Пачатак а 20:00. Дзея адбудзецца на беларускай і нямецкай мовах.

Адрэса: Tacheles (www.tacheles.de) Oranienburgerstr. 54-56a / 10117 Berlin- Mitte

22.02. "Liebe mich auf belarussisch" - Lesung von Valeryja Kustava - 20.00  Uhr ACUDgalerie.

Па-беларуску:

“Кахай мяне па-беларуску!” (Берлін)

22 лютага (нядзеля) 2009. Цэнтр AKUD. Пачатак а 20:00.

Імпрэза адбудзецца ў межах аўтарскага праекта Валярыны (Валерыі Куставай) “Кахай мяне па-беларуску!” У праграме: паэтычны спектакль, гісторыя кахання па-беларуску, чытанне вершаў, пачастунак беларускай нацыянальнай стравай – дранікамі, дыялог з гледачамі і іншыя сюрпрызы. Дзея – на беларускай і нямецкай мовах.

Адрас: Club ACUD (www.acud.de) Veteranenstraße 21 /10119 Berlin-Mitte
 

Deutsch:

“Liebe mich auf belarussisch!” (Berlin)

Am 22. Februar (Sonntag) um 20 Uhr, im ACUD (Veteranenstr. 21 10119 Berlin-Mitte) http://www.acud.de/

Die Veranstaltung findet im Rahmen des Autorenprojekts von Valiaryna (Valeryja Kustava) „Liebe mich auf belarussisch!“ statt. Im Programm: dichterische Aufführung, Liebesgeschichte auf Belarussisch, Lesung, Kosten von Kartoffelpuffer (weißrussische Spezialität), Diskussion mit Zuschauer u.a.m. Auf Deutsch und Belarussisch.

Крыніцы інфармацыі:

http://www.acud.de/event.php?SRC=E&event_id=2152&start=2009-02-13%2003:00:00&end=2009-03-13%2003:00:00

http://www.copernicus-stipendium.de/blog/2009/02/17/veranstaltungstipp-focus-on-belarus-terra-incognita-acud-kunstverein/

http://www.copernicus-stipendium.de/blog/tag/valeryja-kustava/

http://www.moe-kulturmanager.de/startseite/startseite-detail/?tx_ttnews[tt_news]=29&cHash=72ef931ec3